Ang PASIMHAY ONLINE
(The Official Blogsite of San Antonio De Padua Parish-Binan, Laguna)

PANANAW AT MISYON NG PAROKYA NG SAN ANTONIO DE PADUA BINAN, LAGUNA

March 24, 2011

PANANAW NG PAROKYA NG SAN ANTONIO DE PADUA BINAN, LAGUNA

Ang Bayan ng Diyos ng Parokya ng San Antonio de Padua, Binan, Laguna nagkakaisang naglalakbay tungo sa kaganapan ng buhay na may pananampalataya, pag-ibig at gawa upang maging isang kapatiran ng mga tunay na alagad ni Kristo at Iglesya ng mga Maralita.

MISYON NG PAROKYA NG SAN ANTONIO DE PADUA BINAN, LAGUNA 

Pinasigla ng mga kaloob ng Espiritu Santo at sa patuloy na panalangin ni Maria, Ina ng Diyos, at ni San Antonio de Padua, kami ay nagtatalaga ng aming sarili sa:

Pagpapatatag ng isang buhay, masigla at nagkakaisang pamayanang Kristiyano, sa pamamagitan ng mga gawain ng pangangaral, paglinang at paghubog ng bawat namumuno at kasapi ng parokya;

Paglikha at pagpapatupad ng mga programa na magpapatibay sa kahalagahan ng pamilyang Kristiyano at pagpapalaganap ng Katekesis;

Pagtugon sa kakulangan ng mga taong higit na nangangailangan sa pamamagitan ng aktibong pakikisangkot sa mga isyung panlipunan tungo sa pag-unlad at pag-angat ng Dangal ng Tao. 

Sa pamamagitan nito, magiging pamayanan kami ng mga tunay na alagad ni Kristo bilang Iglesya ng mga Maralita na maka-Diyos, makatao, makabayan at maka-Kalikasan.

Posted by sananthoniansbinan at 7:28 pm | permalink

All comments are moderated. Your comments will not appear here unless approved by the blog owner. Thank you.

Add a comment